Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 262 Hüküm no: 281 Orijinal metin no: [37a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Ahmed ve Mustafa b. Abdullah’ın, Reşid’de bulunan ev ve menzillerini zapt ettiği iddiasıyla Aşur b. Kasım’a açtığı davanın mahallinde görülmesi gerektiği Ma‘rûz Arzuhâl sahibleri el-Hâc Ahmed b. Ahmed ve Mustafa b. Abdullah nâm kimesneler meclis-i şer‘de derûn-ı arzuhâlde mezkûrü’l-ism el-Hâc Âşûr b. Kasım muvâcehesinde yedimizde olan vakfiye-i ma‘mûlün-bihâ üzere evlâdiyet ve meşrûtiyet üzere mutasarrıf olduğumuz diyâr-ı Mısır’da medîne-i Reşid’de vâki‘ ma‘lûmü’l-hudûd ve’l-müştemilât bir bâb menzil ve bahçeye mezbûr Âşûr bi-gayr-ı hakkın zabt u tasarruf eder kasr-ı yed ve bize teslîme mezbûr Âşûr’a tenbîh olunmak matlûbumuzdur deyü olan da‘vâlarının şer‘an faysal verilmesi mahâlline muhtâc olmağla husûs-ı mezkûrun istimâ‘ı mahâlline havâle olunmak iktizâ eylediği Mahkeme-i Bâb’dan huzûr-ı âlîlerine i‘lâm olundu. Fî 16 Recebi’l-ferd sene 1162