Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 267 Hüküm no: 290 Orijinal metin no: [37b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuyumcu Şerban’ın, Belaş’da alacağı olduğu iddiasıyla açtığı davanın hukuksuz olduğundan reddedildiği Ma‘rûz Kuyumcu tâifesinden arzuhâl sahibi Şerban zimmî meclis-i şer‘de tâife-i mezbûreden derûn-ı arzuhâlde mezkûr Belaş zimmî muvâcehesinde târih-i i‘lâmdan sekiz sene mukaddem İstanbul’da Bostan kurbünde vâki‘ icâre ile sâkin olduğum kuyumcu dükkânının merkūm Belaş’a bey‘ eylediğim gediği ve dört ayda müctemi‘ beynimizde ma‘lûm kuyumcu ramadi akçesinden merkūm Belaş zimmetinde yetmiş beş guruş alacağım olmağla taleb ederim deyü olan da‘vâsı takrîr-i meşrûhu üzere sahîha olmamağın mezbûr Belaş’a suâl dahi teveccüh etmemekle merkūm Şerban bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 24 Receb sene 1162