Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 266 Hüküm no: 289 Orijinal metin no: [37b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sultan Bâyezid mahallesinde ikamet etmek üzere ev alan Mehmed b. Abdullah ile hanımı Ayşe bt. Abdullah’dan mahalle ahalisinin şikayetleri üzerine ikametten vazgeçtikleri Mahalle nizâ‘ı Ma‘rûz Derûn-ı arzuhâlde mezkûr Sultan Bâyezid mahallesi ahâlîsinden ashâb-ı arzuhâl İmâm Süleyman Efendi ve Abdullah Odabaşı ve Süleyman Çelebi b. Hüseyin ve es-Seyyid Ömer b. es-Seyyid Süleyman ve Hacı Hasan b. Mustafa ve es-Seyyid Hüseyin b. es-Seyyid Ahmed ve Hacı Mehmed b. Hüseyin ve Hüseyin Ağa b. Mustafa ve Abdullah b. Halil ve Ahmed Çavuş b. Mustafa ve Hüseyin Çavuş b. Mehmed ve es-Seyyid Mehmed Beşe b. Hasan nâm kimesneler meclis-i şer‘-i enverde derûn-ı arzuhâlde mezkûrü’l-ism Mehmed b. Abdullah ile zevcesi Âişe bt. Mustafa muvâcehelerinde mezbûr Mehmed’in zevcesi işbu mezbûre Âişe Hatun mahallemizden menzil iştirâ edip hâlâ gelip zevci mezkûr Mehmed ile mahallemizde menzil-i mezkûrda sâkinler olmak murâd ederler ancak mezbûr Mehmed’in arzuhâlde mezkûr olduğu üzere sû’-i hâli mesmû‘umuz olmağla mezbûr Mehmed’in mahallemizde sâkin olmasında emniyetimiz yokdur deyü teşekkîlerinde mezbûr Mehmed ile zevcesinden herbiri dahi rızâlarıyla mahalle-i mezkûrede olan menzillerinde kendileri sâkinler olmamağa ta‘ahhüd edip ol vechile kat‘-ı nizâ‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 22 Receb sene 1162