Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 268 Hüküm no: 292 Orijinal metin no: [38a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahkemede görevli muhzırların devlet haysiyetine yakışır şekilde giyinmeleri Muhzırların ferâce vazîfesi tezkiresi Ma‘rûz Fahrü’l-müderrisîni’l-kirâm Bâb nâibimiz fazîletlü efendi el-müseccel Ba‘de’t-tahiyyeti’l-vâfiye minhâ-yı muhlisî oldur ki mahmiye-i Kostantıniyye Dârü’l-hilâfeti’l-aliyye olmağla cem‘iyetgâh-ı tavâif-i nâs ve hükûmet ve kazâsı ber-terîn-i menâsıb-ı kuzât ve hükkâm olup mutesâddî-i hükûmet olan efendilerin dîvân-ı âsafîye azîmet ve tanzîm-i es‘âr için kol ile hareketlerinde nâmûs-ı devlet ve enzâr-ı ahâlî sûk ve pazarda mehâbet için mu‘înlerine müte‘ayyin olan sekiz nefer muhzır şi‘âr-ı erbâb-ı dîvân olan mücevveze ile hareket resm-i kadîm ve âdet iken zümre-i mezbûrenin kemâl-i fakr u fâkadan nâşî esâset-i libâs ve bâlâ-pûşa bedel lâbis oldukları biniş ve nîmten sûretli köhne palasları haşmet ve mehâbete bedel azhûke olacak bir hâlet ve rahne-endâz-ı nâmûs-ı devlet-i ebed-müddet idiği emr-i mukarrer olmağın mezbûrların eyyâm-ı lâzımede lâbis olacakları çuka ferâce ve destâr ve mûzelerinin tecdîd ve ta‘mîr ve mücevvezelerinin tanzîfi için beher mâh Bâb mahsûlümüzden işbu hâfızü’t-tezkireye tamamca ikişer guruş teslîm eyleyesiz. Fî-gurreti Receb li-sene isneteyn ve sittîn ve mie ve elf. Mine’l-fakīr Çelebîzâde İsmail Âsım el-Kādî-i bi-Dâri’l-Kostantıniyye