Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 275 Hüküm no: 304 Orijinal metin no: [39b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Yusuf’un, boşandığı kocası Mehmed Bey b. Abdülbaki’de mehir bedelinden kalan alacağını taksitler halinde tahsil edeceği Ma‘rûz İstanbul’da Kefeli mahallesinde sâkine ve zâtı ta‘rîf-i şer‘î ile mu‘arrefe olan Fâtıma bt. Yusuf nâm hatun meclis-i şer‘-i enverde zevc-i sâbıkı Mehmed Bey b. Abdülbaki muvâcehesinde mezbûr Mehmed Bey zevcim olup târih-i i‘lâmdan bir buçuk sene mukaddem beni bâyinen tatlîk etmekle zimmetinde mütekarrer ve ma‘kūdün-aleyh olan elli guruş mehr-i müeccelimin on guruşunu yedinden ba‘de’l-kabz bâkī kırk guruşu hâlen ve def‘aten edâya iktidârı olmayıp tecîl ve taksîte tâlib olduğunda beher şehr bana beşer guruş verip târih-i i‘lâmdan sekiz ay tamamına değin meblağ-ı bâkī-i mezkûru tamamen edâ ve teslîm etmek üzere mezbûr Mehmed Bey’i tecîl ve taksît eylediğimde ol dahi kabûl ve ber-vech-i muharrer müddet-i mezkûre tamamında edâya ta‘ahhüd ve iltizâm eyledi deyü olan ikrârını mezbûr Mehmed Bey dahi tasdîk eylediği Mahkeme-i Bâb’dan huzûr-ı âlîlerine i‘lâm olundu el-emrü li-men-lehu’l-emr. Fî 29 Recebi’l-ferd sene 1162