Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 297 Hüküm no: 340 Orijinal metin no: [44a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Mehmed ile Kapıyoldaşı Hasan Beşe b. Mustafa’nın aralarındaki alış-verişlerinden dolayı birbirlerinin zimmetlerini ibra ettikleri Ma‘rûz İstanbul’da Murad Paşa mahallesinde sâkin Halil b. Mehmed meclis-i şer‘-i hatîrde sâbıkā Kapıyoldaşı Hasan Beşe b. Mustafa ile lede’l-mürâfa‘a mukaddemâ mezbû[r] Hasan Beşe ile beynlerinde cârî âmme-i ahz u i‘tâ ve kâffe-i mu‘âmelât-ı şettâ ve idâne ve ikrâz ve iktirâz ve iktizâ ve edâ ve istifâ ve biribirlerine emânet ve âriyet verip ve geri aldıkları emti‘a ve elbiselerinin târih-i i‘lâma gelince olan hesâblarını görüp ahadühümânın âhar zimmetinde ve yedinde aynen ve deynen nesne hakları bâkī kalmamakla herbiri âmme-i de‘âvî ve mutâlebât ve kâffe-i eymân ve muhâsamâtdan âharın zimmetini ibrâ-i âmm-ı kātı‘u’n-nizâ‘la ibrâ edip âharın dahi ibrâ-i mezkûru kabûl eylediği Bâb’dan huzûr-ı âlîlerine i‘lâm olundu fermân men-lehu’l-emrindir. Fî 13 Şa‘bân sene 1162