Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 321 Hüküm no: 378 Orijinal metin no: [49b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fırın aşçılarından Manuk’un, yapılan keşif neticesinde kimsenin müdahalesi olmadan çalıştırdığı çarkın altında ezilmek suretiyle öldüğünün tespit edildiği Ma‘rûz Sâdır olan fermân-ı âlîlerine imtisâlen savb-ı şer‘-i enverden irsâl olunan kâtib dâ‘îleri derûn-ı arzuhâlde mezkûr fırına varıp fırın-ı mezkûr aşçılarından Manuk nâm zimmî târih-i i‘lâm gecesi fırın-ı mezkûr ittisâlinde vâki‘ çarh-ı kebîri işledir iken kendi sun‘uyla mezkûr çarhın üzerine düşüp altında helâk olduğu ihbâr olunmağla cem‘-i kesîr Müslimîn ile üzerine varılıp ba‘de’l-keşf a‘zâsına nazar olundukda başı sol tarafının eğeleri ezilip mecrûh olduğunu ba‘de’l-mu‘âyene lâşesini zîr-i zemîne ilkāya kavmine tenbîh eylediğini mevlânâ-yı mezbûr mahâllinde tahrîr ve ma‘an ba‘s olunan ümenâ-i şer‘le meclis-i şer‘a gelip alâ-vukū‘ihî inhâ eylediği Mahkeme-i Bâb’dan huzûr-ı âlîlerine i‘lâm olundu. Fî 20 Ramazan sene 1162