Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 322 Hüküm no: 380 Orijinal metin no: [50a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Mıgırdıç’ın emanetindeki eşyalarını Zeyneb Hatun bt. Ahmed’e iade etmesi Ma‘rûz İstanbul’da Denizabdal mahallesi sâkinelerinden zâtı ta‘rîf-i şer‘î ile mu‘arrefe Zeyneb Hatun bt. Ahmed meclis-i şer‘-i enverde Muhzır el-Hâc Süleyman mübâşeretiyle ihzâr-ı şer‘ olunan Derzi Mıgırdıç v. Mefser zimmî muvâcehesinde mukaddemâ işbu merkūm Mıgırdıç zimmîden istikrâz ve ahz eylediğim yüz guruş deynimi hâlâ merkūm Mıgırdıç’a tamamen edâ ve teslîm ol dahi yedimden ahz u kabz etmiş iken meblağ-ı mezbûrun temessüğünü ve malımdan yedinde olan bir top Şâmî alacamı ve bir top Şâmî alaca ve bir top şâmî keremsûd ve bir anterimi bana red ve teslîmden imtinâ‘ eder teslîmine tenbîh taleb ederim deyü ba‘de’d-da‘vâ ve’s-suâl merkūm Mıgırdıç zimmî kazıyye minvâl-i muharrer üzere olduğunu ikrâr ve i‘tirâf etmeğin alâ-mûceb-i i‘tirâfihî zikrolunan temessük ve alaca ve keremsûd ve anteriyi müdde‘iye-i mezbûre Zeyneb Hatun’a red ile merkūm Mıgırdıç zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 21 min-şehri Ramazani’l-mübârek sene 1162