Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 323 Hüküm no: 381 Orijinal metin no: [50a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife bt. Abdullah’ın alacak iddiasıyla Duhancı Süleyman b. Mustafa’ya açtığı davayı ispat edemediği Ma‘rûz İstanbul’da Mustafa Bey mahallesinde Sultan odalarında sâkine olup zâtı zevci es-Seyyid Veliyüddin b. Halil ve es-Seyyid Ebûbekir b. Osman nâm kimesneler ta‘rîfleriyle mu‘arrefe olan Hanife bt. Abdullah meclis-i şer‘-i enverde Mumcu Hüseyin Beşe mübâşeretiyle ihzâr-ı şer‘ olunan Duhânî Süleyman b. Mustafa nâm kimesne muvâcehesinde târih-i i‘lâmdan otuz dört ay mukaddem işbu mezbûr Duhânî Süleyman’a malımdan ve yedimden dört aded fındıkī altın otuz altı aded zer-i mahbûb ve otuz üç guruşluk beyaz akçemi istikrâz ve ahz u kabz edip istihlâk etmişidi hâlâ taleb ederim deyü ba‘de’d-da‘vâ ve’l-inkâr müdde‘iye-i mezbûre Hanife Hatun müdde‘âsını beyândan ızhâr-ı acz birle lede’l-istihlâf ve’t-tahlîfi’ş-şer‘î mûcebiyle ba‘de’l-hükm müdde‘iye-i mezbûre Hanife Hatun bilâ-beyyine-i âdile da‘vâ-yı mezkûresiyle mezbûr Duhânî Süleyman’a bî-vech-i şer‘î mu‘ârazadan men‘ olundu Bâb’dan huzûr-ı âlîlerine i‘lâm olundu. Fî 22 min-şehri Ramazan sene 1162