Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 327 Hüküm no: 389 Orijinal metin no: [51a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Hüseyin’in kardeşi Lağımcı Ahmed Beşe b. Hüseyin’e kefil olduğundan kardeşinin Seyyid Ömer b. Seyyid Abdullah’a olan borcunu ödemesi Ma‘rûz Mumcu Yusuf Beşe mübâşeretiyle Bâb Mahkemesi’ne ihzâr olunan Ali’nin hasmı es-Seyyid Ömer b. es-Seyyid Abdullah meclis-i şer‘-i hatîrde mezbûr Ali muvâcehesinde mezbûr Ali’nin li-ebeveyn karındaşı gāib ani’l-beled Lağımcı Ahmed Beşe b. Hüseyin b. Abdullah nâm kimesne zimmetinde bey‘ini feshettiğimiz bir re’s gulâmın semen-i makbûzundan bâkī yüz üç guruş hakkıma bi’l-emr ve’l-kabûl kefîl olmağla taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını lede’t-tezkiye adâletleri zâhir olan Esirci el-Hâc Mustafa b. Ebûbekir ve İbrahim Çelebi b. Ali nâm kimesneler şehâdetleriyle mezbûr Ali muvâcehesinde vech-i şer‘î üzere isbât etmeğin mûcebince meblağ-ı bâkī-i mezkûr yüz üç guruş bi-hükmi’l-kefâle müdde‘î-i mezbûr es-Seyyid Ömer’e edâ ve teslîme mezbûr Ali’ye tenbîh olunduğu huzûr-ı âlîlerine i‘lâm olundu. Fî 10 min-Şevval sene 1162