Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 328 Hüküm no: 391 Orijinal metin no: [51a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küçük yaşta Mehmed Emin b. Salih’e nikahlanan Fâtıma bt. Ahmed’in reşide olmasıyla kendi talebiyle Mehmed Emin’le olan nikahlarının feshedildiği Ma‘rûz Mahmiye-i İstanbul’da Ereğli mahallesi sâkinelerinden zâtı üvey babası Ali b. Hasan ve Berber Ahmed b. Mustafa ta‘rîfleriyle mu‘arrefe olan Fâtıma bt. Ahmed nâm bikr-i mürâhıka meclis-i şer‘-i enverde zevc-i nâkic-i [nâkih-i] gayr-ı dâhili es-Seyyid Mehmed Emin b. Salih muvâcehesinde târih-i i‘lâmdan bir ay mukaddem hâl-i sıgārımda anamın babası cedd-i fâsidim mehr-i mu‘accel-i ma‘lûm ve otuz guruş mehr-i müeccel üzerine beni tezvîc edip hâlâ ben bu anda rü’yet-i dem-i hayzla bâliğa oldum ve hıyâr-ı bulûğum ile nefsimi mezbûr es-Seyyid Mehmed Emin’den tefrîk-ı ihtiyâr eyledim mezbûr es-Seyyid Mehmed Emin’den ba‘de’s-suâl kıbel-i şer‘-i enverden tefrîkıma hükm dahi taleb ederim dedikde gıbbe’s-suâl mezbûr Mehmed Emin cevâbında menkûhası müdde‘iye-i mezbûre Fâtıma’yı cemî‘ kelimât-ı meşrûhasında bi’l-vicâhe tasdîk etmekle kıbel-i şer‘-i enverden bi-hükmi hıyâri’l-bulûğ müdde‘iye-i mezbûre <> Fâtıma’nın mezbûr es-Seyyid Mehmed Emin ile beynlerinde olan nikâhın feshiyle ba‘de’l-hükm Mahkeme-i Bâb’dan huzûr-ı âlîlerine i‘lâm olundu. Fî 11 Şevval sene 1162