Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 329 Hüküm no: 392 Orijinal metin no: [51b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Osman’ın kendisini boşadığından mehir ve nafakasının verilmesi talebiyle kocası Mehmed Ağa b. Ömer’e açtığı davayı ispat edemediği Ma‘rûz Ma‘cûnî Kasım mahallesinde sâkine ve zâtı ta‘rîf-i şer‘î ile mu‘arrefe olan Fâtıma bt. Osman nâm hatun meclis-i şer‘-i hatîrde zevci Mehmed Ağa b. Ömer nâm kimesne mahzarında mezbûr Mehmed Ağa zevcim olup Eskişehir Vâlîsi Hasan Paşa’nın mühürdârı olmağla târih-i i‘lâmdan yedi ay mukaddem Eskişehir’den bana irsâl eylediği mektûb ile beni tatlîk etmekle zimmetinde mütekarrer ve ma‘kūdün-aleyh olan kırk guruş mehr-i müeccelimi mezbûr Mehmed Ağa’dan taleb ederim deyü ba‘de’d-da‘vâ ve’l-inkâr müdde‘iye-i mezbûre ber-vech-i muharrer müdde‘âsını beyâna kādire olamayıp bi’t-taleb mezbûr Mehmed Ağa’ya vech-i şer‘î üzere yemîn verilmeğin mûcebince müdde‘iye-i mezbûre Fâtıma Hatun bilâ-beyyine bî-vech mu‘ârazadan men‘ ve zevci mezbûr Mehmed Ağa’ya inkıyâd ile tenbîh olunduğu Bâb’dan huzûr-ı âlîlerine i‘lâm olundu. Fî 12 Şevval sene 1162