Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 329 Hüküm no: 394 Orijinal metin no: [51b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Elekçi Arakil v. İsayi’nin kendisini yaralayan Hacı Mehmed b. İbrahim’le sulh yoluyla anlaşarak zimmetini ibra ettiği Ma‘rûz Mahmiye-i İstanbul’da Molla Şeref mahallesinde vâki‘ Kasım Beşe değirmeninde mütemekkin Elekci Arakil v. İsayi v. Karabet nâm zimmî tarafından husûs-ı âti’l-beyânı ikrâra vekîl olduğu İsmail Beşe b. Hasan ve Hasan Beşe b. Hüseyin şehâdetleriyle sâbit olan Hüseyin Beşe b. Hasan meclis-i şer‘de el-Hâc Mehmed b. İbrahim muvâcehesinde târih-i kitâbdan iki gün mukaddem değirmen-i mezkûr kurbünde vakt-i zuhrda mezbûr el-Hâc Mehmed müvekkil-i merkūm Arakil zimmîyi bıçak ile sol budunun kaba etine bi-gayr-ı hakkın darb ve cerh etmişidi deyü ba‘de’d-da‘vâ ve’l-münâza‘a bâ-vesâtet-i muslihîn müvekkil-i merkūm mezbûr el-Hâc Mehmed ile sekiz buçuk guruş bedel-i makbûza sulh olup cerh-i mezkûra ve mâ-yuhdesü-minhe müte‘allika âmme-i da‘vâdan mezbûr el-Hâc Mehmed’in zimmetini ibrâ ve ıskāt eyledim dedi deyü olan ikrârını mahkeme-i mezbûr[da] el-Hâc Mehmed dahi ba‘de’t-tasdîk mübâşirleri İbrahim Çavuş iltimâsıyla huzûr-ı âlîlerine i‘lâm olundu el-emrü men-lehu’l-emrindir. Fî 14 Şevval sene 1162