Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 332 Hüküm no: 397 Orijinal metin no: [52a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Hasan’ın satın aldığı vakıf evden dolayı olan borcunu Ümmühani bt. Eyüb’e ödemesi Ma‘rûz Zâtı ta‘rîf-i şer‘î ile mu‘arrefe olan sahibe-i arzuhâl Ümmühani bt. Eyüb nâm hatun meclis-i şer‘-i hatîrde derûn-ı arzuhâlde mezkûreti’l-ism Fâtıma bt. Hasan nâm hatun muvâcehesinde İstanbul’da Balaban Ağa mahallesinde vâki‘ ma‘lûmü’l-hudûd ve’l-müştemilât bi’l-icâreteyn mutasarrıfe olduğum vakıf menzilimi târih-i i‘lâmdan bir buçuk sene mukaddem mezbûre Fâtıma Hatun’a elli guruş bedel-i makbûza bâ-ma‘rifet-i mütevellî ferâğ-ı kat‘î ile ba‘de’l-ferâğ bedel-i mezkûr elli guruşu mezbûre Fâtıma Hatun yedimden ahz u kabz etmekle meblağ-ı mezkûru mezbûre Fâtıma Hatun’dan taleb ederim deyü ba‘de’d-da‘vâ ve’l-inkâr müdde‘iye-i merkūme ber-vech-i muharrer müdde‘âsını beyâna kādire olamayıp bi’t-taleb mezbûre Fâtıma Hatun’a yemîn teklîf olundukda ol dahi nükûl etmeğin mûcebince meblağ-ı mezkûr elli guruşu müdde‘iye-i mezbûre Ümmühani Hatun’a edâ ve teslîme mezbûre Fâtıma Hatun’a tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 15 Şevval sene 1162