Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 348 Hüküm no: 427 Orijinal metin no: [55b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Avanis v. Sekyas’ın, bargir bedelinden alacak iddiasıyla Kigok v. Ohannes ve ortağı Nikogos v. Bogos’a açtığı davada sulh yoluyla alacağını tahsil ettiği Ma‘rûz Ekmekçi tâifesinden sahib-i arzuhâl Avanis v. Sekyas nâm zimmî meclis-i şer‘-i enverde yine tâife-i mezkûreden arzuhâlde isimleri mezkûr Kigork v. Ohannes ve şerîki Nikogos v. Bogos nâm zimmîlerden bir re’s bargir semeni olmak üzere tesâddî ettiği yetmiş beş guruş da‘vâsından bâ-tavassut-ı muslihîn mesfûrân Kigork ve Nikogos ile altı guruş bedel-i makbûza sulh olup mâ‘adâsına müte‘allika âmme-i da‘vâdan mesfûrân Kigork ve Nikogos zimmîlerin zimmetlerini ibrâ ve ıskāt edip ol vechile kat‘-ı nizâ‘ eyledikleri Bâb’dan huzûr-ı âlîlerine i‘lâm olundu. Fî 3 Zilka‘de sene 1162