Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 349 Hüküm no: 429 Orijinal metin no: [56a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafız Molla İsmail’in, Süleyman’a olan borcunu ödemesine Ma‘rûz Sahib-i arzuhâl Süleyman meclis-i şer‘-i enverde derûn-ı arzuhâlde mezkûrü’l-ism Hâfız Molla İsmail mahzarında mezbûr Hâfız Molla İsmail târih-i i‘lâmdan bir sene mukaddem gāib ani’l-beled Mühürdâr Ahmed Efendi yediyle bi-gayr-ı hakkın elli guruşumu ahz etmişidi hâlâ meblağ-ı mezkûru mezbûr Hâfız Molla İsmail’den taleb ederim deyü tesâddî eylediğim da‘vâmdan bâ-vesâtet-i muslihîn otuz guruş üzerine sulh olup mâ‘adâsına müte‘allika da‘vâdan zimmetini ibrâ etmişidim hâlâ bedel-i sulh olan meblağ-ı mezkûr otuz guruşu mezbûrdan taleb ederim deyü ba‘de’d-da‘vâ ve’l-ikrâr mûcebiyle bedel-i sulh-ı mezkûr otuz guruşun edâsıyla mezbûr Hâfız Molla İsmail ilzâm olunduğu huzûr-ı âlîlerine i‘lâm olundu. Fî 3 min-Zilka‘de sene 1162