Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 350 Hüküm no: 432 Orijinal metin no: [56a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balmumcu Süleyman b. İbrahim’in, Balmumcu kethudası Yusuf b. Abdullah’da olan balmumu bedelinden olan alacak davasından feragat edip zimmetini ibra ettiği Ma‘rûz Balmumu dökücü tâifesinden sahib-i arzuhâl Süleyman b. İbrahim nâm kimesne meclis-i şer‘-i hatîrde derûn-ı arzuhâlde mastûrü’l-ism kethudâları Yusuf b. Abdullah nâm kimesne muvâcehesinde mezbûr Yusuf bin yüz elli dört senesi târihinde beher vakıyyesi yüz beşer akçeye olmak üzere yedimden iştirâ ve kabz ettiği beş yüz vakıyye şem‘-i asel bahâsından bâkī yüz yetmiş dört buçuk guruş hakkım zimmetinde kalmağla meblağ-ı bâkī-i mezbûr ile yine şem‘-i asel bahâsından yüz altmış üç guruş min-haysü’l-mecmû‘ üç yüz otuz yedi buçuk guruşu mezbûr [Yu]suf’dan taleb ederim deyü tesâddî eylediğim da‘vâ-yı mezkûremden tavassut-ı muslihîn ile meccânen fâriğ olup meblağ-ı mecmû‘-ı mezbûra ve sâire müte‘allika âmme-i da‘vâdan mezbûr Yusuf ile balmumcu ustalarından Yiğitbaşı es-Seyyid Halil ve el-Hâc Mustafa ve İsmail ve Mehmed Ali ve Hâfız el-Hâc İbrahim ve el-Hâc Mehmed ve el-Hâc İsmail ve sâir ustaların zimmetlerini ibrâ ve ıskāt eyledim deyü mezbûr Süleyman’ın takrîri Mahkeme-i Bâb’dan huzûr-ı âlîlerine i‘lâm olundu. Fî 3 min-Zilka‘de sene 1162