Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 350 Hüküm no: 431 Orijinal metin no: [56a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Yorgi v. Yani’nin, Tarakcı Mustafa b. Mehmed’e olan borcunu ödemesine yapılan tenbih Ma‘rûz Sahib-i arzuhâl Mehmed’in kebîr oğlu Tarakcı Mustafa meclis-i şer‘de derûn-ı arzuhâlde mezkûr Bakkāl Yorgi v. Yani nâm zimmî muvâcehesinde târih-i i‘lâmdan iki ay mukaddem Mahmud Paşa Câmi‘-i şerîfi kurbünde kendi bakkāl dükkânında malımdan mesfûr Yorgi’ye mahlût akçe yirmi bir guruş ikrâz ve teslîm edip ol dahi iktirâz ve ahz u kabz ve mesârifine sarfla istihlâk etmişidi hâlâ meblağ-ı mezkûru merkūm Yorgi’den taleb ederim deyü ba‘de’d-da‘vâ ve’l-inkâr müdde‘î-i mezbûr Mustafa müdde‘âsını lede’t-tezkiye adâletleri zâhir olan Tarakcı Süleyman b. Muslu ve Mehmed b. Ebûbekir nâm kimesneler şehâdetleriyle merkūm Bakkāl Yorgi muvâcehesinde vech-i şer‘î üzere isbât etmeğin mûcebince meblağ-ı mezkûr yirmi bir guruşu müdde‘î-i mezbûr Tarakcı Mustafa’ya edâ ve teslîme merkūm Bakkāl Yorgi tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 3 Zilka‘de sene 1162