Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 354 Hüküm no: 439 Orijinal metin no: [57a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kebeci Abdullah b. Hacı Mehmed’in, Osman b. Receb’e olan borcunu ödemesine yapılan tenbih Ma‘rûz Mahmiye-i İstanbul’da Katır Hanı’nda sâkin sahib-i arzuhâl Osman b. Receb meclis-i şer‘de yine mahmiye-i mezbûrede Evliyâhanı’nda sâkin derûn-ı arzuhâlde mezkûr Kebeci Abdullah b. el-Hâc Mehmed mahzarında mezbûr Abdullah târih-i i‘lâmdan yirmi beş gün mukaddem yedimden yirmi yedi guruş iktirâz ve ahz ve mesârifine sarfla istihlâk etmişidi hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr Osman müdde‘âsını lede’t-tezkiye adâletleri zâhir olan Ahmed Efendi b. Mehmed ve Hasan Beşe b. Ahmed şehâdetleriyle mezbûr Kebeci Abdullah muvâcehesinde vech-i şer‘î üzere ba‘de’l-isbât ve’l-kabûl mûcebiyle meblağ-ı mezkûr yirmi yedi guruşu müdde‘î-i mezbûr Osman’a edâ ve teslîme mezbûr Kebeci Abdullah’a tenbîh olunduğu Bâb’dan huzûr-ı âlîlerine i‘lâm olundu. Fî 10 Zilka‘de sene 1162