Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 353 Hüküm no: 438 Orijinal metin no: [56b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hacı Osman b. Hacı Veyis’in, Şerife Ayşe bt. Derviş Mehmed Efendi’ye olan borcunu ödemesine yapılan tenbih Ma‘rûz İstanbul’da Âbid Çelebi mahallesi sâkinelerinden olup zâtı ta‘rîf-i şer‘î ile mu‘arrefe olan Şerife Âişe bt. Derviş Mehmed Efendi nâm hatun Mahkeme-i Bâb’da meclis-i şer‘de nakībü’l-eşrâf çavuşlarından es-Seyyid ( ) çavuş mübâşeretiyle ihzâr ettirdiği es-Seyyid Hacı Osman b. el-Hâc Veyis muvâcehesinde bin yüz altmış iki senesinin Cumâdelâhıre’si gurresinde handa kendi odasında ber-mantûk-ı temessük mezbûr es-Seyyid Hacı Osman’a yüz yedi buçuk cedîd guruş ikrâz ve teslîm ol dahi yedimden iktirâz ve ahz ve tesellüm ve kendi mesârifine sarfla istihlâk etmekle hâlâ meblağ-ı mezbûr yüz yedi buçuk guruşu mezbûr es-Seyyid Hacı Osman’dan taleb ederim deyü da‘vâ eyledikde mezbûr es-Seyyid Hacı Osman dahi cevâbında mârrü’z-zikr yüz yedi buçuk guruşu mezbûr es-Seyyid Hacı Osman’dan taleb ederim deyü da‘vâ eyledikde mezbûr es-Seyyid Hacı Osman dahi cevâbında mârrü’z-zikr yüz yedi buçuk guruş için müdde‘iye-i mezbûre Şerife Âişe Hatun’a deynimdir deyü temessük verdiğini ikrâr lâkin meblağ-ı mezbûr yüz yedi buçuk guruşu henüz mezbûre Şerife Âişe Hatun yedinden ahz etmeyip ber-vech-i muharrer kâziben ikrâr etmişidim binâenaleyh mezbûre Şerife Âişe’ye kat‘a deynim yokdur dedikde mezbûr es-Seyyid Hacı Osman’ın ikrârında kâzib olmayıp ve kendi da‘vâsında mubtıle olmadığına mezbûre Şerîfe Âişe Hatun bi’t-taleb tahlîf olunmağın mûcebince meblağ-ı mezbûr yüz yedi buçuk guruşu müdde‘iye-i mezbûre Şerîfe Âişe Hatun’a edâ ve teslîme mezbûr es-Seyyid Hacı Osman’a tenbîh olunduğu huzûr-ı âlîlerine i‘lâm olundu. Fî 10 Zilka‘de sene 1162