Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 355 Hüküm no: 442 Orijinal metin no: [57a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa b. Hüseyin’in Gürcü asıllı cariyesi Ayşe’nin hür olduğu anlaşıldığından serbest bırakıldığı Ma‘rûz Rıkka inkıyâda sebkat etmekle kıbel-i şer‘-i enverden da‘vâya me’zûne olan orta boylu kara kaşlı kara elâ gözlü sahibe-i arzuhâl Âişe nâm hatun meclis-i şer‘-i hatîrde kendiye Gürciyyetü’l-asl rakīkası olmak üzere vaz‘-ı yed eden Mehmed Ağa b. Hüseyin b. Abdullah’ın vekîl-i sâbitü’l-vekâlesi Ahmed Ağa b. Osman muvâcehesinde müdde‘iye-i mevsûfe-i mezbûre Âişe kıbel-i şer‘den yedine i‘tâ olunan hüccet-i şer‘iyede tafsîl ve beyân olunduğu vech üzere bâ-fermân-ı âlî sebîlleri tahliye olunan Acemiyyetü’l-asl Müslimetü’l-mille hürre olup kendiye ve ebeveynine kat‘a rık târî olmadığı şühûd-ı udûlle sâbit olmağla müdde‘iye-i mevsûfe-i mezbûre Âişe’nin hürriyetine hükmolunup sebîli tahliye olunduğu Mahkeme-i Bâb’dan huzûr-ı âlîlerine i‘lâm olundu. Fî 10 Zilka‘de sene 1162