Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 356 Hüküm no: 443 Orijinal metin no: [57a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe b. Ahmed’in, Hacı Ahmed Ağa b. Hacı Mehmed Ağa’ya olan borcunu ödemesine yapılan tenbih Ma‘rûz Dergâh-ı âlî yeniçerilerinin otuz altı cemâ‘ati neferâtından olup Mumcu Halil Beşe mübâşeretiyle Bâb Mahkemesi’ne ihzâr olunan Hasan Beşe b. Ahmed’in hasmı el-Hâc Ahmed Ağa b. el-Hâc Mehmed Ağa meclis-i şer‘-i enverde mezbûr Hasan Beşe mahzarında bin yüz altmış senesi Cumâdelûlâ gurresi târihiyle müverrah bir kıt‘a temessük mantûkunca cihet-i karzdan mezbûr Hasan Beşe zimmetinde yüz kırk guruş hakkım olup hatta şuhûd muvâcehelerinde ikrâr ve işhâd dahi etmişidi hâlâ meblağ-ı mezkûru mezbûr Hasan Beşe’den taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını lede’t-tezkiye adâletleri zâhir olan Yazıcı Molla Ömer b. Habib ve Molla Hasan b. İbrahim nâm kimesneler şehâdetleriyle mezbûr Hasan Beşe muvâcehesinde vech-i şer‘î üzere isbât etmeğin mûcebince meblağ-ı mezkûr yüz kırk guruşu müdde‘î-i mezbûr el-Hâc Ahmed Ağa’ya edâ ve teslîme mezbûr Hasan Beşe’ye tenbîh olunduğu huzûr-ı âlîlerine i‘lâm olundu el-emrü li-men-lehu’l-emr. Fî 14 min-Zilka‘de sene 1162