.:: İstanbul Kadı Sicilleri ::.


Bab Mahkemesi 197 Numaralı Sicil (H. 1162-1163 / M. 1749-1750)
cilt: 73, sayfa: 378
Hüküm no: 477
Orijinal metin no: [61b-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Kabasakal mahallesinden Mehmed Bey’in evinin penceresi havalesinin kendi evine zararı olduğu iddiasıyla Ahmed’e açtığı davada Ahmed’in penceresini kapatmayı taahhüt ettiği

Bâ-mühr-i hazret-i efendi

Ma‘rûz

Fermân-ı âlîlerine imtisâlen husûs-ı câi’z-zikri mahâllinde ketb ü tahrîri için cânib-i şer‘den irsâl olunan keşif nâibimiz İbrahim Efendi hâssa mi‘mârı hulefâsından Hüseyin ve Abdullah ile arzuhâlde mezkûr Kabasakal mahallesinde vâki‘ sahib-i arzuhâl Mehmed Bey’in mülkü olan menzile varıp münâza‘un-fîh havâle zararını ba‘de’l-mu‘âyene cemâ‘at-i Müslimîn huzûrlarında akd eylediği meclis-i şer‘de mûmâ-ileyh Mehmed Bey’in tarîk-ı hâs aşırı menzile mutasarrıf olan el-Hâc Ahmed muvâcehesinde işbu mu‘âyene olunduğu üzere mezbûr el-Hâc Ahmed’in tarîk-ı hâs cânibinde ihdâs eylediği bir bâb ulvî odasının bir aded penceresinden benim menzilimde makarr-ı nisvân olan bir bâb fevkānî odama nezâret ve havâlesi olmağla zarar-ı şer‘îsi men‘ olunmak matlûbumdur deyü ba‘de’d-da‘vâ mezbûr el-Hâc Ahmed dahi ihdâsını mukır olduğu mârrü’z-zikr bir aded pencereyi bi’l-külliye sed edip ol vechile müdde‘î-i mûmâ-ileyhin havâle zararını def‘a mezbûr el-Hâc Ahmed ta‘ahhüd eylediğini mevlânâ-yı mezbûr mahâllinde ketb ü tahrîr edip ba‘dehû ümenâ-i şer‘le meclis-i şer‘de inhâ ve takrîr eylediği huzûr-ı âlîlerine i‘lâm olundu fermân men-lehu’l-emrindir.

Fî 4 Zilhicceti’ş-şerîfe sene 1162