Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 390 Hüküm no: 498 Orijinal metin no: [64a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mehmed’in altın alacağı olduğu iddiasıyla Avanis v. Nikefos’a açtığı davayı ispat edemediği Ma‘rûz Kullukçu Halil Beşe mübâşeretiyle Bâb Mahkemesi’ne ihzâr olunan Avanis v. Nikefos nâm zimmînin hasmı es-Seyyid Ahmed b. es-Seyyid Mehmed meclis-i şer‘-i hatîrde mesfûr Avanis zimmî muvâcehesinde târih-i i‘lâmdan otuz altı gün mukaddem mesfûr Avanis zimmetinde cihet-i karz-ı şer‘îden zer-i mahbûb ve zencirli yirmi altın hakkım olmağla meblağ-ı mezkûru mesfûr Avanis’den taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmayıp bi’t-taleb mesfûr Avanis’e vech-i şer‘î üzere yemîn verilmeğin mûcebince meblağ-ı mezkûr yirmi altın mutâlebesiyle müdde‘î-i mezbûr es-Seyyid Ahmed bilâ-beyyine bî-vech <<şer‘î>> mu‘ârazadan men‘ olunduğu huzûr-ı âlîlerine i‘lâm olundu el-emrü li-men-lehu’l-emr. Fî 26 min-Zilhicce sene 1162