Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 398 Hüküm no: 511 Orijinal metin no: [65b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav Mustafa b. Ahmed’in alacağı olduğu Kasab Halil Beşe b. Ali ile sulh olup zimmetini ibra ettiği Ma‘rûz Manav tâifesinden es-Seyyid Mustafa b. Ahmed meclis-i şer‘de Kasab Halil Beşe b. Ali muvâcehesinde mezbûr Halil Beşe târih-i i‘lâmdan dört sene mukaddem Mahmud Paşa kurbünde vâki‘ ma‘lûmü’l-hudûd manav dükkânının nısf gediğini bana yirmi beş guruş semen-i makbûza bey‘ ve teslîm etmişidi lâkin mücerred gedik bey‘i meşrû‘ olmamağla semen-i mezbûr yirmi beş guruşu mezbûr Halil Beşe’den taleb ve istirdâd ederim deyü tesâddî eylediği da‘vâsından bâ-vesâtet-i muslihîn mezbûr Halil Beşe ile dokuz guruş bedel-i makbûza sulh olup husûs-ı mezkûra müte‘allika âmme-i da‘vâdan mezbûr Halil Beşe’nin zimmetini ibrâ eylediği Bâb’dan huzûr-ı âlîlerine i‘lâm olundu. Fî 29 Zilhicce sene 1162