Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 397 Hüküm no: 510 Orijinal metin no: [65b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Ahmed’in, Bostanî Hüseyin Ağa b. Ali’ye kalan borcunu ödemesine yapılan tenbih Ma‘rûz Mirâhur-ı evvel kayıkçılarından Bostânî Hüseyin Ağa b. Ali meclis-i şer‘de nakībü’l-eşrâf çavuşlarından es-Seyyid Halil Çavuş mübâşeretiyle ihzâr ettirdiği es-Seyyid Ali b. es-Seyyid Ahmed mahzarında târih-i i‘lâmdan beş gün mukaddem mezbûr es-Seyyid Ali’ye gāib ani’l-meclis es-Seyyid Ömer kefâletiyle yüz guruş ikrâz ve teslîm ol dahi ber-vech-i muharrer istikrâz ve tesellüm ve kendi mesârifine sarfla ba‘de’l-istihlâk meblağ-ı mezbûrun on dört guruş otuz parasını yedinden ahz u kabz edip seksen beş guruş on parası kalmağla meblağ-ı bâkī-i mezbûru merkūm es-Seyyid Ali’den taleb ederim deyü da‘vâ ol dahi ber-vech-i muharrer yüz guruşdan bâkī müdde‘î-i mezbûra zimmetinde seksen beş guruş on para deyni olduğunu ikrâr ve i‘tirâf etmeğin mûcebiyle meblağ-ı bâkī-i mezbûr seksen beş guruş on parayı müdde‘î-i merkūm Bostânî Hüseyin Ağa’ya edâ ve teslîme mezbûr es-Seyyid Ali’ye tenbîh olunduğu Bâb’dan huzûr-ı âlîlerine i‘lâm olundu. Fî-gurreti Muharrem sene 1162 [1163]