Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 416 Hüküm no: 540 Orijinal metin no: [69b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ahmed’in, Ahmed b. Mustafa’da olan alacağını taksitler halinde almak üzere sulh oldukları Ma‘rûz Mahrûse-i Galata’da Arab Câmi‘-i şerîfi kurbünde sâkin es-Seyyid Mustafa b. Ahmed meclis-i şer‘de Ahmed b. Mustafa muvâcehesinde bundan akdem yedimden iştirâ ve kabz eylediği vakıyyesi beynimizde ma‘lûm dört desti revgan-ı sâde bahâsından mezbûr Ahmed zimmetinde hakkım olan seksen üç guruş on sekiz paranın yirmi beş guruşunu mezbûr Ahmed yedinden ba‘de’l-ahz ve’l-kabz elli sekiz guruş on sekiz parası bâkī kalmağla meblağ-ı bâkī-i mezbûr elli sekiz guruş on sekiz parayı mezbûr Ahmed’in hâlen ve def‘aten bana edâya iktidârı olmayıp tecîl ve taksîte tâlib olduğunda ben dahi târih-i i‘lâmdan her sekiz gün tamamında bana beşer guruş verip târih-i i‘lâmdan üç yüz elli bir gün tamamına değin meblağ-ı mezkûru edâ etmek üzere mezbûr Ahmed’i tecîl ve taksît eyledim dedikde mezbûr Ahmed dahi ber-vech-i muharrer ba‘de’l-kabûl meblağ-ı mukāssat-ı mezkûru müddet-i madrûbe tamamına değin mezbûr es-Seyyid Mustafa’ya edâya mezbûr Ahmed ta‘ahhüd eylediği Bâb’dan huzûr-ı âlîlerine i‘lâm olundu. Fî 11 Muharrem sene 1163