Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 415 Hüküm no: 539 Orijinal metin no: [69b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Ahmed’in emanet altınları olduğu iddiasıyla İsmail Ağa b. Abdullah’a açtığı davayı ispat edemediği Ma‘rûz Bâ‘is-i i‘lâm Ahmed b. Ahmed meclis-i şer‘de Subaşı el-Hâc Mehmed kulları mübâşeretiyle ihzâr olunan İsmail Ağa b. Abdullah mahzarında târih-i i‘lâm şehrinin beşinci sülasâ günü mezbûr İsmail Ağa’nın Sultan Mehmed Han Câmi‘-i şerîfi kurbünde menzilinde mezbûr İsmail Ağa’ya iki yüz zer-i mahbûb altınımı bi-tarîkı’l-emâne def‘ ve teslîm ol dahi ber-vech-i muharrer yedinden ahz u kabz etmekle hâlâ zikrolunan iki yüz altınımı mezbûr İsmail Ağa’dan taleb ederim deyü ba‘de’d-da‘vâ ve’l-inkâr müdde‘î-i mezbûr Ahmed ber-vech-i muharrer müdde‘âsını beyândan ızhâr-ı aczile istihlâf etmeğin mezbûr İsmail Ağa bi’t-taleb ba‘de’t-tahlîfi’ş-şer‘î mûcebiyle müdde‘î-i mezbûr Ahmed merkūm İsmail Ağa’ya bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 13 Muharrem sene 1163