Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 423 Hüküm no: 553 Orijinal metin no: [71b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Seyid Hasan’ın, kendisini bıçaklayan Ömer Beşe b. Halil ile sulh olup zimmet ibrası yaptığı Ma‘rûz Sahib-i arzuhâl es-Seyyid Hüseyin b. es-Seyyid Hasan nâm kimesne bi’t-terâzî Bâb Mahkemesi’nde meclis-i şer‘-i hatîrde leblebici tâifesinden arzuhâlde mezkûrü’l-ism Ömer Beşe b. Halil muvâcehesinde mezbûr Ömer Beşe târih-i i‘lâmdan yirmi üç gün mukaddem mahrûse-i Galata’da Karaköy sûkunda vâki‘ manav dükkânım önünde sağ omuzumun iç tarafından ve sol omuzum üzerinden ve arkamın ortasından cem‘an üç yerimden bıçak ile bi-gayr-ı hakkın amden beni darb ve cerh etmekle mûceb-i şer‘îsini mezbûr Ömer Beşe’den taleb ederim deyü tesâddî ettiğim da‘vâdan bâ-vesâtet-i muslihîn mezbûr Ömer Beşe ile an-inkâr yirmi iki buçuk guruş bedel-i makbûza sulh olup cerh-i mezkûreye ve mâ-yuhdesü-minhâya müte‘allika âmme-i da‘vâdan mezbûr Ömer Beşe’nin zimmetini ibrâ ve ıskāt eylediğimde ol dahi bedel-i sulh deyü bana medfû‘u olan meblağ-ı mersûm yirmi iki buçuk guruşa müte‘allika âmme-i da‘vâdan benim zimmetim[i] ibrâ ve ıskāt ettikde herbirimiz vech-i muharrer üzere âharın ibrâsını kabûl eyledi deyü olan ikrârını mezbûr Ömer Beşe tasdîk ettiği mübâşirleri Kapıkethudâsı İbrahim Beşe kulları iltimâsıyla huzûr-ı âlîlerine i‘lâm olundu. Fî 17 Muharrem sene 1163