Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 502 Hüküm no: 676 Orijinal metin no: [88a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Yanaki v. Hristo’nun sulh bedelinden Yuvan v. Todoş’da olan alacağını alıp Yuvan ve ortakları Kostantin ve Mardiros’un zimmetlerini ibra ettiği Ma‘rûz Derûn-ı i‘lâm-ı sâbıkda mezkûrü’l-ism Derzi Yanaki v. Hristo zimmî meclis-i şer‘de yine derûn-ı i‘lâmda mastûrü’l-ism Yuvan v. Todoş zimmî muvâcehesinde mesfûr Yuvan zimmetinde işbu i‘lâm-ı şer‘îde mahkûmun-bih olan elli beş guruş bedel-i sulhu mesfûr Yuvan zimmî bana def‘ ve teslîm ben dahi yedinden tamamen ahz u kabz eylediğimden sonra mâ‘adâsına ve sâir hukūka müte‘allika âmme-i da‘vâdan mesfûr Yuvan zimmî ile şerîkleri işbu hâzırân bi’l-meclis Kostantin v. Yorgi ve Mardiros v. Kalos nâm zimmîlerin zimmetlerini ibrâ-i âm ile yine ibrâ ve ıskāt eyledim deyü olan ikrârını mezbûrûn Yuvan ve şerîkleri Kostantin ve Mardiros zimmîler dahi tasdîk eyledikleri Mahkeme-i Bâb’dan huzûr-ı âlîlerine i‘lâm olundu. Fî 17 Rebî‘ülâhir sene 1163