Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 507 Hüküm no: 684 Orijinal metin no: [89a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcundan dolayı hapsedilen Bogos v. Arakil’in borcunu taksitler halinde ödemek üzere alacaklısı Ali ile anlaştıkları Ma‘rûz Bâ-i‘lâm-ı şer‘î mahkûmun-bih yirmi yedi guruş on para deyn için zindânda mahbûs olup hâmiş-i arzuhâlde mastûr derkenârda mezkûrü’l-ism olan medyûn Bogos v. Arakil deyn-i mezkûrun yedi guruş on parasını hâlâ dâini Ali’ye edâ edip bâkī kalan yirmi guruşu merkūm Bogos hâlâ edâya kudreti olmamağla dâin-i merkūm Ali merkūm Bogos’u târih-i i‘lâmdan beher otuz günde kendiye birer buçuk guruş verip meblağ-ı mezkûru on üç ay ve on gün tamamına değin edâ etmek üzere taksît ve tecîl eyledikde merkūm Bogos zimmî dahi deyn-i mezkûrunu ber-vech-i muharrer mukāssaten dâin-i mezkûr Ali’ye edâya ta‘ahhüd eylediği Mahkeme-i Bâb’dan mübâşirleri Hasan Çavuş kulları ile huzûr-ı âlîlerine i‘lâm olundu. Fî 20 min-şehri Rebî‘ülâhir sene 1163