Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 527 Hüküm no: 719 Orijinal metin no: [93a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Ali’nin kendisini yaralayan Bostancı Osman b. Ömer’e açtığı davada sulh olduğu Ma‘rûz Mumcu Süleyman Beşe mübâşeretiyle Bâb Mahkemesi’ne ihzâr olunan İbrahim b. Ali’nin hasmı Bostânî Osman b. Ömer meclis-i şer‘de mezbûr İbrahim muvâcehesinde mezbûr İbrahim târih-i i‘lâmdan dört gün mukaddem Küplük İskelesi’nde başımın sol tarafına seren ta‘bîr olunur asâ ile bi-gayr-ı hakkın amden darb ve cerh etmekle mûceb-i şer‘îsini mezbûr İbrahim’den taleb ederim deyü tesâddî eylediğim da‘vâmdan bâ-vesâtet-i muslihîn mezbûr İbrahim ile beş guruş bedel-i makbûza sulh olup cerh-i mezkûra ve mâ-yuhdesü-anh müte‘allika âmme-i da‘vâdan mezbûr İbrahim’in zimmetini ibrâ ve ıskāt eyledim deyü olan ikrârını mezbûr İbrahim dahi tasdîk eylediği Mahkeme-i Bâb’dan mübâşir-i mezbûr iltimâsıyla huzûr-ı âlîlerine i‘lâm olundu. Fî 7 min-Cumâdelûlâ sene 1163