Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 528 Hüküm no: 721 Orijinal metin no: [93a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail ve ortağı Osman’ın Kuyumcu Artin v. Norsiz’de olan alacaklarının ödenmesi için yapılan tenbih Ma‘rûz Derûn-ı arzuhâlde isimleri mezkûr İsmail ve şerîki Osman nâm kimesneler meclis-i şer‘de sahib-i arzuhâl Kuyumcu Artin v. Norsiz muvâcehesinde mersûm Artin zimmî zimmetinde mal-ı şirketimizden yüz elli guruş hakkımız olup meblağ-ı mezbûrun altmış guruşunu mersûm Artin yedinden ahz u kabz edip doksan guruşu zimmetinde bâkī kalmağla meblağ-ı bâkī-i mezbûr doksan guruşu mersûm Artin zimmîden taleb ederiz deyü ba‘de’d-da‘vâ ol dahi cevâbında fi’l-hakīka müdde‘iyân-ı mezbûrâna yüz elli guruşdan bâkī doksan guruş deyn olduğunu ikrâr ve i‘tirâf etmeğin mûcebiyle meblağ-ı bâkī-i mezbûr doksan guruşu müdde‘iyân-ı mezbûrân İsmail ve Osman’a edâ ve teslîme mersûm Artin zimmîye tenbîh olunduğu Mahkeme-i Bâb’da ba‘de’t-tescîl huzûr-ı âlîlerine i‘lâm olundu. Fî 9 Cumâdelûlâ sene 1163