Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 544 Hüküm no: 748 Orijinal metin no: [97a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tülbentçi Mikail v. Pedros’un hapiste olan Gork v. Kirkor’daki alacağını taksitler halinde almak üzere anlaştığı Ma‘rûz Derkenârda mezkûrü’l-ism olup bâ-i‘lâm-ı şer‘î yüz on sekiz guruş on para mahkûmun-bih deyni için üç [ay] sicn-i sultânîde mahbûs olan sahib-i arzuhâl Gork v. Kirkor nâm zimmî dülbendci tâifesinden dâyin Mikail v. Pedros nâm zimmî ile mahbûsen Mahkeme-i Bâb’da ter[â]fu‘larında mesfûr Gork deyn-i meblağ-ı mezbûr yüz on sekiz guruş on para deynini ba‘de’l-ikrâr ve’l-i‘tirâf hâlen ve def‘aten edâya iktidârı olmamağla tecîl ve taksîte tâlib oldukda ol dahi her otuz günde kendiye bir buçuk guruş verip târih-i i‘lâmdan yetmiş dokuz ay tamamına değin deyn-i meblağ-ı mezbûr yüz on sekiz guruş on parayı tamamen edâ etmek üzere medyûn-ı mesfûr Gork zimmîyi tecîl ve taksît eyledikde mesfûr dahi ba‘de’l-kabûl ber-vech-i taksît-i mezkûr müddet-i madrûbe tamamına değin deyn-i meblağ-ı mezbûru mukāssaten edâya ta‘ahhüd ve iltizâm edip bu vechile beynleri ıslâh ve tevfîk olunup kat‘-ı nizâ‘ eyledikleri ba‘de’t-tescîl huzûr-ı âlîlerine i‘lâm olundu bâkī fermân. Fî 29 min-Cumâdelûlâ sene 1163