Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 553 Hüküm no: 761 Orijinal metin no: [99a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın hanımı Arap Fâtıma ile azatlısı Şerife Ayşe bt. Hacı Halil’in kendilerini dövdükleri iddiasıyla komşuları İbrahim b. Abdullah’a açtıkları davayı ispat edemedikleri Ma‘rûz Zâtı ta‘rîf-i şer‘î ile mu‘arrefeler olan sahib-i arzuhâl es-Seyyid Mustafa’nın zevcesi Arab Fâtıma bt. Abdullah ile mezbûrenin mu‘takası Şerife Âişe bt. el-Hâc Halil meclis-i şer‘de derûn-ı arzuhâlde mezkûrü’l-ism hem-civârları el-Hâc İbrahim b. Abdullah muvâcehesinde târih-i i‘lâmdan bir gün mukaddem sâkine olduğumuz menzilimizin kapısı önünde mezbûr el-Hâc İbrahim yumruk ve depmesiyle bi-gayr-ı hakkın bizi darb etmekle mûceb-i şer‘îsini herbirimiz taleb ederiz deyü ba‘de’d-da‘vâ ve’s-suâl mezbûr el-Hâc İbrahim bi’l-külliye inkâr etmeğin müdde‘iyetân-ı mezbûretân ber-vech-i muharrer müdde‘âlarını ityân-ı beyyineden ızhâr-ı aczile istihlâf etmeleriyle mezbûr el-Hâc İbrahim bi’t-taleb ba‘de’t-tahlîfi’ş-şer‘î mûcebiyle müdde‘iyetân-ı mezbûretân Arab Fâtıma ve Şerife Âişe Hatun bilâ-beyyine mezbûr el-Hâc İbrahim’e bi-gayr-ı vech mu‘ârazadan men‘ olundukları Mahkeme-i Bâb’dan huzûr-ı âlîlerine i‘lâm olundu. Fî 7 C sene 1163