Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 55 Hüküm no: 1 Orijinal metin no: [1b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuruyemişçi Ahmed Ağa’nın Vasil’den alacaklı olduğu yolundaki iddiasını ispatlayamadığı 375 guruş mu‘ârazadan men‘ Ma‘rûz Kuruyemişçi esnâfından sâhib-i arzuhâl Ahmed Ağa b. Ali İstanbul Bâb Mahkemesi’nde meclis-i şer‘de bakkāl tâifesinden derûn-ı arzuhâlde mastûrü’l-ism Vasil v. Yuvan nâm zimmî muvâcehesinde mesfûr Vasil zimmî zimmetinde işbu târîh-i i‘lâmdan on ay mukaddem mâlımdan ve yedimden iştirâ ve kabz eylediği vezn ve fiyatı beynimizde ma‘lûm siyah üzüm ve sucuk ve hurma semenlerinden ba‘de külli’l-hesâb üç yüz yetmiş beş guruş on para alacak hakkım olmağla meblağ-ı mezkûru zimmî-i mersûmdan hâlâ taleb ederim deyü da‘vâ ettikde ol dahi cevâbında külliyen inkâr etmekle müdde‘î-i mezbûr ber-vech-i muharrer müdde‘âsına ityân-ı beyyineden izhâr-ı acz edip istihlâf eyledikde mersûm Vasil zimmî bi’l-muvâcehe ber-nehc-i şer‘î tahlîf olunmağın mûcebince müdde‘î-i merkūm Ahmed Ağa da‘vâ-yı mezkûresiyle mersûm Vasil zimmîye bilâ-beyyine mu‘ârazadan men‘ olunduğu huzûr[-ı âlîlerine i‘lâm olundu] Fî 2 Receb sene 12[55]