Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 76 Hüküm no: 40 Orijinal metin no: [5b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yemenici Kiristosodor’un Said Ağa’ya olan borcunu ödemesi 125 guruşa hüküm, sulh Nüshateyn Ma‘rûz-ı dâ‘î-i Devlet-i aliyyeleridir ki Sahtiyân tüccârından sâhib-i arzuhâl es-Seyyid Mustafa Said Ağa b. Mustafa İstanbul Bâb Mahkemesi’nde meclis-i şer‘de Yemenîci Kiristosodor v. Kirah nâm zimmî muvâcehesinde mersûmun zimmetinde bundan akdem mâlımdan ve yedimden iştirâ ve kabz eylediği elvân-ı sahtiyân semeninden ba‘de külli’l-hesâb gayr-ı ez-teslîmât sahhu’l-bâkī iki yüz elli sekiz guruş alacak hakkım olmağla meblağ-ı mezkûru mersûm Kiristosodor zimmîden hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Kiristosodor zimmî ile bi’t-tav‘ ve’r-rızâ yüz yirmi beş guruş üzerine ba‘de-akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve işbu târîh-i i‘lâma gelince sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âm ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr yüz yirmi beş guruşu müdde‘î-i merkūm es-Seyyid Said Ağa’ya edâya mersûm Kiristosodor zimmîye tenbîh olunduğu huzûr[-ı âlîlerine i‘lâm olundu] Fî 17 Receb sene [12]55