Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 78 Hüküm no: 44 Orijinal metin no: [5b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yuvan v. Yanço’nun borcunu ödemesi 130 guruşa hüküm Ma‘rûz Yorgi v. Nikola nâm zimmî İstanbul Bâb Mahkemesi’nde meclis-i şer‘-i hatîrde İspiro v. Yorgi nâm zimmî hâzır olduğu hâlde Yuvan v. Yanço nâm zimmî muvâcehesinde benim mersûm Yuvan zimmî zimmetinde cihet-i karzdan yüz otuz guruş ve hâzır-ı merkūmun semen-i mebî‘den yüz guruş ki cem‘an iki yüz otuz guruş alacak hakkımız olmağla meblağ-ı mecmû‘-ı mezkûru mersûm Yuvan zimmîden hâlâ taleb ederiz deyü hâzır-ı mezbûrun tasdîkiyle da‘vâ ettikde ol dahi cevâbında kaziyye minvâl-i muharrer üzere olduğunu ikrâr ü i‘tirâf etmeğin alâ-mûcibi i‘tirâfihi meblağ-ı mecmû‘-ı mezkûrun yüz otuz guruşunu müdde‘î-i mersûma ve yüz guruşunu hâzır-ı mersûma ber-minvâl-i muharrer edâ ve teslîmiyle mersûm Yuvan zimmî ilzâm olunduğu mübâşirleri Bâb-ı Seraskerî kavaslarından Fındıklılı Osman Kavas kulları yediyle huzûr[-ı âlîlerine i‘lâm olundu] Fî 17 Receb sene [12]55