Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 77 Hüküm no: 43 Orijinal metin no: [5b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rençber Ohannes’in borcunu ödemesi 120 guruşa hüküm Ma‘rûz Yorgi v. İstirati nâm zimmî İstanbul Bâb Mahkemesi’nde meclis-i şer‘de Rençber Ohannes v. Haçador nâm zimmî muvâcehesinde mersûmun zimmetinde bundan akdem mâlımdan ve yedimden bi-safkatin vâhidetin iştirâ ve kabz eylediği bir şeytan bezi yelek ve bir anteri ve bir dizlik semenlerinden yüz yirmi guruş alacak hakkım olmağla meblağ-ı mezkûru mersûmdan hâlâ taleb ederim deyü ba‘de’d-da‘vâ ve’l-ikrâr <> mûcebince meblağ-ı mezkûr yüz yirmi guruşun müdde‘î-i mersûm Yorgi zimmîye edâ ve teslîmiyle mersûm Ohannes zimmî ilzâm olunduğu mübâşirleri Bâb-ı Seraskerî kavaslarından Taşabâdî Veliyyüddin Kavas kulları yediyle huzûr[-ı âlîlerine i‘lâm olundu] Fî 22 Receb sene 12[55]