Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 88 Hüküm no: 65 Orijinal metin no: [7b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın hanımının mehr-i muaccelini ödemesi 700 guruş mu‘accel hükmü Ma‘rûz Sâhibe-i arzuhâl mu‘arrefetü’z-zât Şerife Hadice bt. es-Seyyid Mustafa nâm hatun İstanbul Bâb Mahkemesi’nde meclis-i şer‘-i münîrde hâlâ zevci derûn-ı arzuhâlde ismi mezkûr es-Seyyid Mehmed Ağa b. es-Seyyid Hüseyin nâm kimesne muvâcehesinde ben bundan akdem nefsimi mezbûr es-Seyyid Mehmed Ağa’ya yedi yüz guruş mehr-i mu‘accel ve beş yüz guruş mehr-i müeccel tesmiyeleriyle tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûrumu henüz bana edâ ve îfâ etmemekle suâl olunup mehr-i mu‘accel-i mezkûrum olan yedi yüz guruşu bana edâya zevcim mezbûra tenbîh olunmak matlûbumdur [deyü] da‘vâ ettikde ol dahi cevâbında kaziyye minvâl-i muharrer üzere olduğunu bi tamâmihi ikrâr ü i‘tirâf etmeğin mûcebince mehr-i mu‘accel-i merkūm yedi yüz guruşu zevcesi müdde‘iyye-i mezbûre Şerife Hadice Hatun’a edâya mezbûr es-Seyyid Mehmed Ağa’ya tenbîh olunduğu huzûr[-ı âlîlerine i‘lâm olundu] Fî 28 Receb sene [12]55