Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 89 Hüküm no: 67 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yuvakim’in borcunu ödemesi 180 [880] guruşa ilzâm Ma‘rûz Yuvakim v. Todori nâm zimmî İstanbul Bâb Mahkemesi’nde meclis-i şer‘-i hatîrde Todori v. Sotori nâm zimmî muvâcehesinde mersûm Todori zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği sekiz yüz seksen guruş alacak hakkım olmağla meblağ-ı mezkûru mersûm Todori zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr sekiz yüz seksen guruşun müdde‘î-i mersûm Yuvakim zimmîye edâsıyla mersûm Todori zimmî ilzâm olunduğu mübâşirleri Bâb-ı Seraskerî kavaslarından Üsküdarlı Ali yediyle huzûr[-ı âlîlerine i‘lâm olundu] Fî 27 [Receb] sene [12]55