Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 90 Hüküm no: 68 Orijinal metin no: [8a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hanım’ın kocasından muhalaa yoluyla boşandığı Muhâla‘a Ma‘rûz İstanbul hısnı ebvâbından Fenerkapısı dâhilinde Abdi Subaşı mahallesinde sâkine mu‘arrefetü’z-zât Hadice bt. Abdullah nâm hatun İstanbul Bâb Mahkemesi’nde meclis-i şer‘-i münîrde zevc-i muhâlı‘ı kayıkçı esnâfından Mehmed Nesib Ağa b. Mehmed nâm kimesne muvâcehesinde mezbûr Mehmed Nesib Ağa beş yüz guruş mehr-i müeccel-i [mu‘accel] müstevfâ ve üç yüz bir guruş mehr-i müeccel tesmiyesiyle zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel-i mezkûrum olan [üç yüz bir guruş ve] nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Mehmed Nesib ile muhala‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve ibtidâ-i zevciyyetimizden işbu târîh-i i‘lâma gelince sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile ibrâ ve iskāt ve her birimiz minvâl-i muharrer [üzere] âharın ibrâsını kabûl eyledik deyü ikrâr ve tasdîkleri huzûr[-ı âlîlerine i‘lâm olundu] Fî 29 Receb sene [12]55