Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 91 Hüküm no: 70 Orijinal metin no: [8a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın kocasından muhalaa yoluyla boşandığı Muhâla‘a Ma‘rûz İstanbul’da Eğrikapı kurbünde Avcıbey mahallesinde sâkine mu‘arrefetü’z-zât Âişe bt. Mehmed nâm hatun İstanbul Bâb Mahkemesi’nde meclis-i şer‘de zevc-i muhâlı‘ı Fes Boyacısı Mustafa b. Mehmed nâm kimesne muvâcehesinde mezbûr Mustafa Ağa beş yüz guruş mehr-i mu‘accel-i müstevfâ ve beş yüz bir guruş mehr-i müeccel tesmiyeleriyle zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mehr-i müeccel-i mezkûrum olan beş yüz bir guruş nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri mübâşirleri Bâb-ı Seraskerî kavaslarından Keseci İbrahim Kavas kulları yediyle huzûr[-ı âlîlerine i‘lâm olundu] Fî 17 Receb sene [12]55