Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 91 Hüküm no: 71 Orijinal metin no: [8a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtımatüzzehra Hanım’a kocasına itaat etmesi hususunda tenbihte bulunulduğu Zevcenin itâ‘atine tenbîh Ma‘rûz İstanbul’da Şeyh Ebulvefâ Câmi‘-i şerîfi kurbünde Mollahüsrev mahallesinde sâkin sâhib-i arzuhâl Mehmed b. Mustafa nâm kimesne İstanbul Bâb Mahkemesi’nde meclis-i şer‘de hâlâ zevcesi derûn-ı arzuhâlde mezkûretü’l-ism mu‘arrefetü’z-zât Fâtımatüzzehrâ bt. Mehmed Ali nâm hatun muvâcehesinde mezbûre Fâtımatüzzehrâ Hatun yedi yüz guruş mehr-i mu‘accel-i müstevfâ ve beş yüz bir guruş mehr-i müeccel tesmiyeleriyle zevce-i menkûha-i medhûlün-bihâ[m] olup lâkin bana itâ‘at ve hukūk-ı zevciyyete mürâ‘at etmemekle suâl olunup mahalle-i mezkûrede vâki‘ mesken-i şer‘î olan menzilime gelip bana itâ‘at ve hukūk-ı zevciyyete mürâ‘at etmek üzere mezbûre Fâtımatüzzehrâ Hanım’a tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i meşrûh üzere olduğunu ikrâr ü i‘tirâf etmeğin mûcebince zevcim müdde‘î-i mezbûrun menziline gidip itâ‘at ve hukūk-ı zevciyyete mürâ‘at etmek üzere mezbûre Fâtımatüzzehrâ Hatun’a tenbîh olunduğu huzûr[-ı âlîlerine i‘lâm olundu] Fî 24 Receb sene [12]55