Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 92 Hüküm no: 72 Orijinal metin no: [8b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstoyço’nun Petro’ya olan borcunu ödemesi 300 [200] guruş ilzâm Ma‘rûz-ı dâ‘î-i Devlet-i [aliyyeleridir ki] Rençber Ustoyço v. Yorgi zimmî İstanbul Bâb Mahkemesi’nde meclis-i şer‘-i hatîrde Petro v. Yorgi nâm zimmî muvâcehesinde mesfûr Petro zimmî zimmetinde bundan akdem mâlımdan ve yedimden iştirâ ve kabz eylediği bir çift manda semeninden yedi yüz guruş alacak hakkım olup meblağ-ı mezkûrun kırk guruşunu mukaddemâ kabz ve dört yüz altmış guruşunu benim mersûm Petro zimmîye zimmetimde semen-i mebî‘den deynim olan dört yüz altmış guruşa takās ve mahsûb edip ol vechile beş yüz guruşunu istîfâ etmemle bâkīsi olan iki yüz guruşu mersûm Petro zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr iki yüz guruşun müdde‘î-i mersûm Ustoyço zimmîye edâsıyla mersûm Petro zimmî ilzâm olunduğu mübâşirleri Bâb-ı Seraskerî kavaslarından Abdullah Kavas kulları yediyle huzûr[-ı âlîlerine i‘lâm olundu] Fî 27 Receb sene [12]55