Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 101 Hüküm no: 89 Orijinal metin no: [10b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocasına itaat etmesi hususunda Ayşe Hanım’a tenbihte bulunulduğu İtâ‘ate tenbîh Ma‘rûz Bağcı esnâfından Mehmed b. Mehmed Salih nâm kimesne İstanbul Bâb Mahkemesi’nde meclis-i şer‘de hâlâ zevcesi zâtı mu‘arrefe Âişe bt. İsmail nâm hatun muvâcehesinde merkūm Âişe Hatun sekiz yüz elli guruş mehr-i müeccel-i [mu‘accel] müstevfâ ve sekiz yüz guruş mehr-i müeccel tesmiyeleriyle zevce-i menkûha-i medhûlün-bihâm olup lâkin bana itâ‘at ve hukūk-ı zevciyyete mürâ‘at etmemekle suâl olunup İstanbul’da Vezneciler kurbünde Camcıali mahallesinde vâki‘ mesken-i şer‘î olan bir bâb menzilime gelip bana itâ‘at ve hukūk-ı zevciyyete mürâ‘at etmek üzere zevcem mezbûr[e] Âişe Hatun’a tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i meşrûh üzere olduğunu ikrâr ü i‘tirâf etmeğin müdde‘î-i merkūmun mesken-i şer‘î olan menzil-i mezkûruna gidip itâ‘at ve hukūk-ı zevciyyete mürâ‘at etmek üzere zevcesi Âişe Hatun’a tenbîh olunduğu huzûr[-ı âlîlerine i‘lâm olundu] Fî 20 Receb sene [12]55