Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 102 Hüküm no: 91 Orijinal metin no: [10b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocasına itaat etmesi hususunda Zeliha Hanım’a tenbihte bulunulduğu Zevcenin itâ‘atine tenbîh Ma‘rûz Sâhib-i arzuhâl Berber Mehmed b. Hüseyin nâm kimesne İstanbul Bâb Mahkemesi’nde meclis-i şer‘-i münîrde hâlâ zevcesi mu‘arrefetü’z-zât Zeliha bt. Mehmed Ali nâm hatun muvâcehesinde mezbûre Zeliha Hatun beş yüz guruş mehr-i müeccel-i [mu‘accel] müstevfâ ve dört yüz guruş mehr-i müeccel tesmiyeleriyle zevce-i menkûha-i medhûlün-bihâm olup lâkin bana itâ‘at ve hukūk-ı zevciyyete mürâ‘at etmemekle suâl olunup İstanbul’da Hırka-i şerîf kurbünde Akseki mahallesinde tedârük ve müheyyâ eylediğim galak ve merâfıkı başka menzile gelip itâ‘at ve hukūk-ı zevciyyete mürâ‘at etmek üzere zevcem mezbûre Zeliha Hatun’a tenbîh olunmak matlûbumdur deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebince zevci müdde‘î-i mezbûrun tedârük eylediği menzil-i mezkûruna gidip itâ‘at ve hukūk-ı zevciyyete mürâ‘at etmek üzere mezbûre Zeliha Hatun’a tenbîh olunduğu huzûr[-ı âlîlerine i‘lâm olundu] Fî 23 Şa‘bân sene [12]55