Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 102 Hüküm no: 92 Orijinal metin no: [10b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hanım’ın kocasından muhalaa yoluyla boşandığı Tatlîk Ma‘rûz Sâhibe-i arzuhâl mu‘arrefetü’z-zât zenciye Fâtıma bt. Abdullah İstanbul Bâb Mahkemesi’nde meclis-i şer‘de zevc-i muhâlı‘ı derûn-ı arzuhâlde ismi mezkûr Osman b. Osman nâm kimesne muvâcehesinde mezbûr Osman zevc-i dâhilim olup lâkin beynimizde adem-i hüsn-i mu‘âşeretimiz olmamağla [olmağla] mezbûrun zimmetinde mütekarrir ve ma‘kūdün-aleyh <> mehr-i müeccel hakkım olan yüz elli guruşu <> zevcim merkūm bana def‘ ü teslîm ben dahi yedinden ahz u kabz etmemle ancak <> nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve ibtidâ-i zevciyyetden işbu târîhe gelince sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr[-ı âlîlerine i‘lâm olundu] Fî 29 Receb sene [12]55