Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 105 Hüküm no: 98 Orijinal metin no: [11a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan’ın hanımına ait olup elkoyduğu eşyaları iade etmesi Eşyâyı teslîme tenbîh Ma‘rûz Sâhibe-i arzuhâl mu‘arrefetü’z-zât Fâtıma bt. Abdullah nâm hatun İstanbul Bâb Mahkemesi’nde meclis-i şer‘-i enverde zevci derûn-ı arzuhâlde mezkûrü’l-ism uncu esnâfından Hasan b. Abdullah nâm kimesne muvâcehesinde mezbûr Hasan İstanbul’da Sultan Laleli Câmi‘-i şerîfi kurbünde Kızıltaş mahallesinde vâki‘ mutasarrıf olduğu bir bâb menzilinde mâlından fuzûlî ve bi-gayri hakkın alıkoduğu mecmû‘u iki yüz elli guruş kıymetli ot memlü çatma yasdık ve bir sagīr tancere ve bir sagīr nühâs ıbrık ve penbe memlû bir şilte ve bir çit yorgan ve bir baş yasdığı ve bir tahta dolab ve bir gergef hâlâ yedinde mevcûd olmağla eşyâ-i mezkûreyi aynen bana teslîme mezbûra tenbîh olunmak matlûbumdur deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebince eşyâ-i muharrere-i mezkûreyi aynen müdde‘iyye-i mezbûre Fâtıma Hatun’a teslîme mezbûr Hasan’a tenbîh olunduğu huzûr[-ı âlîlerine i‘lâm olundu] Fî 5 Şa‘bân sene [12]55