Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 106 Hüküm no: 99 Orijinal metin no: [11a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostaki’nin borcunu ödemesi 3000 guruşa ilzâm Ma‘rûz Derûn-ı arzuhâlde ismi mastûr İsak v. Yuda nâm Yahûdi İstanbul Bâb Mahkemesi’nde meclis-i şer‘-i hatîrde arzuhâl eden Kostaki v. Yorgaki nâm zimmî muvâcehesinde mesfûr Kostaki zimmî zimmetinde cihet-i deyn-i şer‘îden bâ-i‘lâm-ı şer‘î mahkûmün-bih üç bin guruş alacak hakkım olmağla meblağ-ı mezkûru mersûm Kostaki zimmîden tahsîl ve bana teslîm olunmak matlûbumdur deyü da‘vâ ettikde mesfûr Kostaki zimmî dahi cevâbında kaziyye minvâl-i meşrûh üzere olduğunu ikrâr ü i‘tirâf etmeğin mûcebince meblağ-ı mahkûmün-bih-i mezkûr üç bin guruşu mesfûr Kostaki zimmîden tahsîl ve müdde‘î-i mersûm İsak Yahûdi’ye teslîm ettirilmek iktizâ eylediği tescîl ve huzûr[-ı âlîlerine i‘lâm olundu] Fî 29 Receb sene [12]55